巴拿馬藝伎咖啡豆Geisha翡翠莊園紅標綠標lasrocas價格風味介紹
曾幾何時，藍山係眾多中環白領都垂涎三尺嘅咖啡。但如今，藝伎咖啡成為全世界咖啡愛好者都流曬口水嘅心頭好。若藍山咖啡係咖啡之王，藝伎咖啡就係咖啡之后。
藝伎咖啡品種係2004年由皮德森（Peterson）家族管理嘅翡翠莊園（Hacienda La Esmeralda）奪得BOP(Best of Panama)比賽嘅桂冠先為世人所聞，換而言之，翡翠莊園同藝伎係相互成就對方。
藝伎咖啡品種最初於20世紀30年代從埃塞俄比亞咖啡森林中畀發現，後來被送去坦桑尼亞嘅Lyamungu研究所。1953年，畀人帶到位於哥斯大黎加一間農業科學研究院(CATIE)，並畀登記為T2722。20世紀60年代，由於藝伎對咖啡葉鏽病具有耐受性，CATIE將此品種傳播到巴拿馬各地。
唔少啡友都聽過埃塞俄比亞嘅藝伎，前街在此需要提醒一下，埃塞俄比亞嘅藝伎同巴拿馬嘅藝伎係基因上截然不同。世界咖啡研究組織對其遺傳多樣性分析證實，巴拿馬藝伎T2722嘅後代獨立而統一，當種植於海拔高且管理妥當時，最終杯測嘅質量高，以精緻花香、濃郁果香等風味而著稱。
雖然現時出咗唔少精品巴拿馬藝伎咖啡，但講到巴拿馬藝伎都唔可以少咗翡翠莊園嘅存在。翡翠莊園係2021年經過調整之後，出品嘅藝伎咖啡分為兩個品牌：紅標同綠標。
【紅標】
即係翡翠特選（Esmeralda Special），翡翠莊園嘅紅標藝伎選用種植海拔1600米到1800米，杯測成績唔低於90分嘅藝伎咖啡豆。此外，翡翠莊園亦會自行舉辦獨立競標，從劃分好地塊裏拿出競標藝伎批次，此為競標紅標。經常有啡友走來問前街，競標紅標好飲定係非競標紅標好飲，其實競標同非競標都屬於同一地塊，區別只係有冇參與到競標中。前街認為，並非一定要飲競標級別嘅紅標，價錢實在太高，若真心只係想嘗試一下，非競標紅標都係一個唔錯嘅選擇。
前街咖啡menu就有一款來自翡翠莊園非競標紅標嘅藝伎咖啡豆，前街選擇嘅紅標為日曬處理，日曬處理同水洗處理係香氣同甜感上更加強烈，口感層級上更加豐富。
前街咖啡翡翠莊園紅標藝伎
產區：巴拿馬翡翠莊園
地塊：馬里奧Mario地塊
海拔：1700米
品種：藝伎
處理方式：緩慢日曬
【綠標】
即係私人收藏，Private Collection。綠標雖然並不參與到競標批次中，但綠標品質依然優越。綠標同樣係選用種植海拔1600米到1800米之間嘅藝伎咖啡豆，與紅標唔同嘅係，綠標為翡翠莊園中多個不同地塊嘅微批次混豆。即係話，紅標可以追溯到具體地塊，而綠標由於混合不同地塊嘅原因不能追溯具體地塊。因此，綠標可能會出現同紅標風味高度相似嘅情況，又可能存在差別。前街認為綠標係性價比最高嘅翡翠莊園藝伎，前街menu上翡翠莊園綠標藝伎有水洗同日曬。而水洗處理嘅綠標藝伎有清新嘅茉莉/姜花香氣，明亮柑橘酸質，口感厚實，猶如果汁。
前街咖啡翡翠莊園綠標藝伎
產區：巴拿馬翡翠莊園
海拔：1600——1800米
品質：藝伎
處理方式：水洗/日曬
了解翡翠莊園藝伎咖啡歷史嘅啡友應該知道，係2021年之前，翡翠莊園藝伎咖啡除紅標同綠標之外，還有藍標（Geisha 1500）品牌。後來為咗維護翡翠莊園品牌，取消藍標品牌。後來網傳翡翠莊園藍標換馬甲後重現江湖。
前街經過翻查多方資料後發現大家稱之為新藍標且標有火山岩Las Rocas嘅咖啡豆，係種植與1400米到1600米之間，波奎特產區翡翠莊園以及其周圍咖啡農所種植嘅藝伎，其處理者同樣係翡翠莊園。前街將火山岩Las Rocas同2020產翡翠莊園藍標杯測對比發現，兩款品質同樣優秀。
前街咖啡巴拿馬火山岩藝伎
產區：巴拿馬波奎特翡翠莊園
海拔：1500米+
品種：藝伎
處理方式：水洗處理
藝伎咖啡應該點沖先好飲？
前街嘅巴拿馬藝伎咖啡豆一般係中淺度烘焙，所以沖巴拿馬藝伎咖啡一般會用到92攝氏度水，從而將藝伎中濃郁嘅花香果酸萃出，同時為咗避免過度萃取出現苦澀味，會用Hario嘅V60濾杯。
濾杯：Hario V60
水溫：92攝氏度
粉量：15克
粉水比例：1:15
研磨度：EK43s#10.2（20號篩（0.85mm）過篩率80%）
先注入30cc水悶篜30秒，注入第二段水至125cc進行分段，等濾杯中水位下降至即將見到分層立即注入第三段水至225cc，等濾杯中所有水落到分享壺中即可攞走個濾杯，總萃取時間約莫為2分鐘。
